А Ў ПОЛI ВЯРБА НАХIЛЁНАЯ

А ў полi вярба
Нахiлёная,
Маладая дзяўчынонька
Заручоная.

Заручоная
I запiтая,
Тады яе запiвалi
Як сад зацвiтаў.

Як сад зацвiтаў,
Як зара ўзыйшла,
Маладая дзяўчынонька
Па ваду iшла.

Кася ад вады,
Яся да вады:
- Пастой, пастой, мая Кася,
Дай каню вады.

- Як буду твая,
Напаю каня,
З зiмненькае крынiчэнькi,
З поўнага вядра.

Две последние строки куплетов повторяются




Такун Ф. И. Славянский базар. – М.: «Современная музыка», 2005